समाचार

माओबादी नेतृत्वको सरकार लामो समय टिक्ने संचारमन्त्री शर्माको दाबी

ललितपुर ,सञ्चार तथा सूचना प्रविधि मन्त्री रेखा शर्माले अहिलेको गठबन्धन सरकार तत्कालै कमजोर भएर नसकिने दाबी गरेकी छिन् । उनले विचार फरक फरक भएपनि सबैका लागी देशको निम्ती केही गर्नुपर्ने भावना भएकाले अहिलेको गठबन्धन सरकार भत्किने संभावना नदेखीएको बताइन् ।

ललितपुरको गोदावरी नगरपालिका वडा नम्बर १० स्थित न्यौपाने गाउँमा विप्लप नेतृत्वको माओवादीका नेता चुडामणी वली आर्दशको आमाको निधन भएको घडीमा श्रद्धान्जली दिन पुगेकी मन्त्री शर्माले माओबादी नेतृत्वको सरकार लामो समय टिक्ने दाबी गरिन् । मन्त्री शर्माले सरकारले जनतामा केही गर्छ भन्ने भाव जगाउन प्रधानमन्त्री पुष्पकमल दाहाल सफल हुनु सरकारको सबैभन्दा ठूलो उपलब्धि भएको जिकिर गरिन्। उनले वर्तमान सरकारप्रति जनतामा आशा पलाएको अडान राख्दै जनचाहना अनुसार सरकाले काम गर्ने प्रतिवद्धता समेत व्यक्त गरिन्। २ दिनभित्र सरकारले पूर्णता पाउने उनले ठोकुवा गरिन् ।

नेपाल सरकारकी प्रवक्ता समेत रहेकी मन्त्री शर्माले जनताले जसरी भोट दिए त्यही अनुसार सरकार बनेको तर्क गरिन् र्। स्पष्ट बहुमत कसैसँग पनि छैन , जनताले जति भोट जसरी दिए त्यही अनुसार सरकार बनेको हो , उनले भनिन् र्, १० दल मिलेको भन्ने कुरा पछिको हो , एक्लै सरकार बनाउन नसक्ने भएपनि अरु दलको साथ लिनु सहि हो । सत्तारुढ दलहरूबीच मन्त्रालय बाँडफाँडको विषयमा किचलो भइरहँदा आवश्यकता अनुसार आफू जुनसुकै मन्त्रालयमा बस्न पनि तयार रहेको बताईन् र्। समग्र राजनितीक परिदृश्यमा अडान लिएर यही मन्त्रालयमा बसिरहन्छु भन्ने छैन त्यो मेरा इच्छामा भर पर्दैन , उनले भनिन् र्, जहाँ गएपनि मेहेनत गर्नुपर्छ , मन्त्रालय सानु ठूलो हुँदैन , सबैको आआफ्नो महत्व रहेको छ । म आवश्यकता अनुसार जहाँ पनि जान सक्छु । मन्त्री शर्माका अनुसार यस विषयमा १० दलको छलफल चलिरहेको छ । उनले आफूलाई संचार मन्त्रालयमा रहेर केही काम गर्न धेरै सिकिएकाले यही बस्नु ठिक हुने स्पष्ट पारे । म्ोरो आफ्ना कुरा राख्दा मलाई संचार मन्त्रालय नै सहज हुने उनको तर्क छ । आम संचारका विषय बुझेपनि सूचना प्रविधीका विषयमा आफ्नो त्यति ज्ञान नभएकाले त्यस विषयमा बुझ्ने प्रयास गरेको उनले बताइन् ।

नेता चुडामणी वलीकी माता टंक कुमारी वलीको ८५ वर्षको उमेरमा गएको शनिबार विहान निधन भएको थियो । रोल्पाको गंगादेव गाउँपालिका ३ स्थायी घरभई गोदावरी १० न्यौपानेगाउँ बस्ने टंक कुमारी क्यान्सर रोगले पिडित थिइन् ।

Related Articles

Back to top button