प्रेस युनियन ललितपुर अध्यक्षमा दाहाल सर्वसम्मत निर्वाचित
ललितपुर ,नेपाल प्रेस युनियन ललितपुर शाखाको सातौ जिल्ला अधिवेशन शनिबार सम्पन्न भएको छ ।नेपाली कांग्रेस माहामन्त्री तथा युवा नेता बिश्व प्रकाश शर्माको प्रमुख आतिथ्यमा सम्पन्न कार्यक्रममा जिल्ला अध्यक्ष केदार नाथ दाहालको अध्यक्षतामा १३ सदस्यीय नयाँ कार्यसमिति समेत सर्वसम्मत रुपमा चयन गरेको छ ।
ललितपुरको गोदावरी नगरपालिका बज्रबाराही स्थित भलिं पुःच पार्टी प्यालेसमा आयोजित उक्त अधिवेशनबाट उपाध्यक्षमा रूपकृष्ण कर्माचार्य, गोमा पाण्डे, प्रनिशा लक्ष्मी अधिकारी चयन भएका छन्। त्यस्तै, सचिवमा काजिमान खड्का, सहसचिवमा बिनिता डंगोल र कोषाध्यक्षमा प्रकाश थिङ चयन भएका थिए भने सदस्यहरुमा रन्जीत धमला, अनिशा बिष्ट, शनिराज शाक्य, राजकुमार थिङ, अर्चना झा, अमरदीप श्रेष्ठ र सुनिता बिश्वकर्मा चयन भएका छन् ।
कार्यक्रममा नेपाली कांग्रेस ललितपुर क्षेत्र १ माननीय उदय राणा, केन्द्रिय सदस्य मदन अमात्य, जिल्ला सभापति जितेन्द्र कुमार श्रेष्ठ,प्रेस युनियन केन्द्रिय पधाधिकारी लगाएत युनियनकर्मी हरुको बाक्लो उपस्थित रहेको थियो।