अन्तर्राष्ट्रियसमाचार
गृहमन्त्री श्रेष्ठ अस्पतालबाट डिस्चार्ज, ८ गते स्वदेश फर्किँदै
![](https://kaliyugnews.com/wp-content/uploads/2023/10/IMG_20231023_190513-704x470.jpg)
चीन भ्रमणको क्रममा हृदयाघात भएर अस्पताल भर्ना भएका उपप्रधान एवम् गृहमन्त्री नारायणकाजी श्रेष्ठ अस्पतालबाट डिस्चार्ज भएका छन्।
मन्त्री श्रेष्ठ पाँचदिने उपचारपश्चात् सोमबार डिस्चार्ज भएका हुन्। उनको सचिवालयकाअनुसार उनी कात्तिक ८ गते बिहान स्वदेश फर्किने छन्।त्यसअघि उनी कात्तिक ३ गते स्वदेश फर्किने तालिका रहे पनि बिरामी भएकाले ८ गते मात्रै स्वदेश फर्किने भएका हुन्।
बीआरआईसम्बन्धी कार्यक्रममा सहभागी हुन चीनको राजधानी बेइजिङ गएको बेला उनलाई हृदयाघात भएको थियो। लगत्तै उनलाई बेइजिङस्थित पेकिङ युनियन मेडिकल कलेजमा अस्पतालमा भर्ना गरिएको थियो।