नेपाल पुलिस क्लब जारी पीएम कपको फाइनलमा पुगेको छ । आइतबार नेपाल पुलिस क्लबले गण्डकी प्रदेशलाई ६ विकेटले पराजित गरेसँगै लगातार सातौं जितसहित फाइनलमा पुगेको हो ।
गण्डकी प्रदेशले दिएको १७१ रनको लक्ष्य पछाएको पुलिस क्लबले २४.२ ओभरमा ४ विकेट गुमाउँदै लक्ष्य पुरा गरेको थियो । जितपछि पुलिस क्लबको ७ खेलमा १४ अंक भएको छ र अपराजित रहँदै फाइनलको यात्रा सुनिश्चित गरेको छ । त्यसैगरी गण्डकी प्रदेशको भने छैटौं हार हो ।
गण्डकीको ८ खेलमा ४ अंकसहित अंक तालिकामा आठौँ स्थानमा रहेको छ ।
