अर्थतन्त्रसमाचार
साढे ९ अंकले बढ्यो नेप्से
पछिल्लो दुई दिन निरन्तर उकालो लागेको नेपाल स्टक एक्सचेञ्ज (नेप्से) परिसूचक आज पनि बढेको छ। बुधबार नेप्से परिसूचक ९.५० अंकले बढेर २ हजार ८९.६२ को बिन्दुमा कायम भएको हो।
बुधबार कारोबारमा आएका ३ सय १ कम्पनीको १ करोड ३४ लाख ७७ हजार ९ सय ४६ कित्ता सेयर खरिद बिक्री हुँदा कुल ५ अर्ब १३ करोड ४८ लाख रुपैयाँ बढीको कारोबार भएको छ।
कारोबारमा आएका कम्पनीमध्ये सोनापुर मिनरल्स एन्ड आयल लिमिटेडको सर्वाधिक ३२ करोड ७८ लाख रुपैयाँ बढीको कारोबार भएको छ।