समाचार
लगानीकर्ताले दिए धितोपत्र बोर्ड र बीमा प्राधिकरणविरूद्ध अख्तियारमा उजुरी
लगानीकर्ताहरूले नेपाल धितोपत्र बोर्ड र बीमा प्राधिकरणविरूद्ध अख्तियार दुरुपयोग अनुसन्धान आयोगमा उजुरी दिएका छन्।
बोर्ड र प्राधिकरणले ऐन विपरीत बीमा कम्पनीहरूलाई प्रिमियम रकमसहित आइपिओ जारी गर्न दिएको भन्दै लगानीकर्ताहरूले शुक्रबार बिहान अख्तियारमा उजुरी दिएका हुन्।लगानीकर्ताहरूले सिटिजन लाइफ, सन नेपाल लाइफ, आइएमई लाइफ र रिलायबल नेपाल लाइफ इन्स्योरेन्सलाई यसरी नियम विपरीत प्रिमियम मूल्यमा सेयर जारी गर्न दिइएको उजुरीमा उल्लेख गरेका छन्।
लगानीकर्ताहरूले घोराही सिमेन्टमा समेत नीतिगत भष्ट्राचार भएकोले छानबिन गर्न माग गरेका हुन्।