सीआईबी प्रमुख र अनुसन्धान अधिकृतसँग सुन तस्करी छानबिन समितिले लियो बयान

सरकारबाट ६१ केजी सुन तस्करीबारे छानबिन गर्न गठित उच्चस्तरीय समितिले नेपाल प्रहरीको केन्द्रीय अनुसन्धान ब्युरो (सीआईबी) प्रमुख र सुन प्रकरणका अनुसन्धान अधिकृतसँग बयान लिएको छ।

६१ किलो सुन तस्करी प्रकरणमा मुछिएका आरोपीलाई सीआईबीले नसमाएको विषयमा वज्राचार्यसँग सोधपुछ गरिएको समितिका एक सदस्यले बताए। सोधपुछका क्रममा वज्राचार्यले उक्त विषयबारे जानकार नभएको जवाफ दिएको बताइएको छ।

समितिले सुन प्रकरणका अनुसन्धान अधिकृत डीएसपी दाहाललाई भेपमा लुकाएर तस्करी भएको ९ किलो सुनबारे सोधपुछ गरेको बुझिएको छ।